ИСФАЙРАМ-САЙ

ИСФАЙРАМ-САЙ , И с п а й р а м – Кыргызстандын Баткен облусунун ж-а Өзбекстандын аймактары аркылуу аккан суу. Алай кырка тоосунун түндүк капталындагы мөңгүлөрдөн башталып, Чоң Фер­гана каналына кошулат. Узундугу 122 км, алабынын аянты 2220 км². Фергана ойдуңуна чыккан же­ринде кеңири жайылма шилендилерди пайда кылат. Алабында жалпы аянты 37,4 км²ге жеткен 39 мөңгү бар, Июлда кирип, сентябрда тартылат. Февралдан мартка чейин сууга өтө өксү. Жылдык орточо чыгымы 22 м³/сек; эң көбү – 162 м³/сек, эң азы – 5,7 м³/сек. Сугатка пайдаланылат. Өрөөнүндө Кубасай кыштагы орун алган.