ИНГАЛЯЦИЯ
ИНГАЛЯ́ЦИЯ (лат. inhalāre – дем алам) – дары заттарын организмге дем алуу аркылуу жиберүү. Абдан майдаланган дары заттар буунун же кысылган абанын агымы м-н ингалятордон оорулуунун дем алуу жолдоруна кирет. Инголятордун туруктуу (стационардык) ж-а көчмө түрү болот. Ингаляция врачтын көрсөтмөсү м-н гана мурун колко, кекиртек, бронх, өпкө ж. б. дем алуу органдарынын ооруларын дарылоо ж-а алдын алуу үчүн колдонулат. Жекече пайдалануу үчүн ар кандай түзүлүштөгү портативдүү чөнтөк ингаляторлору бар, алардын айрымдары даяр дары аралашмасы м-н толтурулат. Жогорку дем алуу жолдорунун тамакты кургаткан айрым оорусунда буулоочу ингаляцияны үйдөн (врачтын көрсөтмөсү м-н) жасоого болот.