ИММУНОТЕРАПИЯ
ИММУНОТЕРАПИ́Я – иммунологиянын жугуштуу ооруну иммун дарылары (вакцина, кан сары суусу, гаммаглобулин ж. б.) м-н дарылоочу бөлүгү. Кан сары суусу, гаммаглобулин катуу кармаган ооруларда – кептөөр, селейме, ботулизм, менингит ж. б-да колдонулат. Вакциналар көпкө создуккан өнөкөт жугуштуу ооруларда – дизентерия, бруцеллёз, туляремия ж. б-да куюлат. Иммунотерапия антибиотиктер ж-а химиотерапия м-н бирге жүргүзүлөт. Иммунотерапия в е т е р и н а р и я д а – жаныбардын жугуштуу ооруларында кан сары суусун, бактериофагдарды организмге киргизгенде жаныбар организминдеги оору козгогучтарга же алардын ууларына каршы даяр коргогуч заттар (антитела) келип түшөт.