ИМАЗОВ
ИМАЗОВ Мухаме (1. 5. 1941-жылы туулган, Чүй облусу, Москва району, Александровка айылы) – тилчи, филология илимдеринин доктору (1994), профессор (1999), КР УИАнын корреспондент-мүчөсү (2000). КМУнун филология факультетин бүтүргөн (1964). Орус тили ж-а адабияты мугалими (1964–68), КР УИАнын дунган таануу илимий борборунда жетектөөчү илимий кызматкер, башкы илимий кызматкер, бөлүм башчысы (1970–99) болгон. 2000-жылдан ошол эле жерде дунган таануу ж-а китаистика борборунда бөлүм башчы болуп эмгектенет. 80ден ашуун илимий эмгектери негизинен дунган тил илимине арналган. Бир нече медаль м-н сыйланган.
Эмг.: Фонетика дунганского языка. Ф., 1975; Дунганский язык. Ф., 1979; Дунганская советская литература. Ф., 1982; Очерки по синтаксису дунганского языка. Ф., 1987; Грамматика дунганского языка. Б., 1993.