ИЛЬМЕНИТ

ИЛЬМЕНИ́Т (Ильменит 1-табылган жер Ильмень тоо­сунун атынан), т и т а н д у у т е м и р – татаал кычкылдарга кирүүчү минерал. Химиялык формула­сы FeTiO₃. Тригон сингониясында кристаллда­нат. Өңү кара, күңүрт. Катуулугу Моос шкала­сы боюнча 5–6. Салыштырма салмагы 4,7. Габбро, диабаз, пиро­ксенит, кимберлит тоо тектеринде, сиенит пег­матиттеринде ж-а чачынды кендерде (росыпь) кезигет. Ильменит – металлургия, химия ж. б. өнөр жай­ларда кеңири колдонулуучу титан металлы алы­на турган баалуу кенташ.