ИЗОПРЕН КАУЧУГУ

ИЗОПРЕ́Н КАУЧУГУ [– СН₂С(СН₃) = СН – СН₂]n – изопрендин полимерленүүсүнөн алынган син­тездик каучук. Молекулалык салмагы 300 миңден 1 млнго чейин, тыгыздыгы 0,91–0,92 г/см³, кристаллда­нуу t 25°С, айнектенүү t 70°С болгон, 95–98% 1–4-цис звенолорунан турган зат. Изопрен каучугу көпчүлүк углеводороддордо, СНС₃, ССl₄, СS₂де эрийт. Мын­дай каучук эритмеде катализаторду пайдаланып, изопренди полимерлөөдөн алынат. Күкүрт м-н вулкандаштырылат. Техникалык сапаттары боюнча таби­гый каучукка окшош. Чоюлгучтугу, бышыкты­гы абдан жогору, салыштырма узаруусу 70– 100%, серпилгичтиги 65–75%. Синтездик изопрен каучугу табигый каучукту алмаштырат. Алардан ар түрдүү резина буюмдар жасалат.