АСМАН СФЕРАСЫ

 ‒ бетине бардык жарык чыгаруучулардын абалы проекцияланып, борбору байкоо чекитинде болгон каалагандай радиустагы ойдон алынган сфера. Ал астрономияда космос объектилеринин А. с-ндагы координаталарын аныктоонун негизинде алардын кыймылын ж-а өз ара жайгашуусун изилдөө үчүн колдонулат. А. с-нын суткалык айланышына байланыштуу асман жарык чыгаруучулары мейкиндикте экваторго жарыш с у т к а л ы к п а р а л л е л ь деп аталуучу айланаларды сызат. Суткалык параллелдердин горизонтко жайгашы шына жараша жарык чыгаруучулар батпоочу ж-а батуучу, чыкпоочу ж-а чыгуучу болуп бөлүнөт.