АРКЕСИЛАЙ

(б. з. ч. 315, Этолиядагы Питана – 240, Афины) – байыркы грек философу, платончул академиянын башкаруучусу, «Экинчи» (Орто) академиянын негиздөөчүсү. Ал догматизмге каршы болуп, «бардыгын дагы бир жолу изилдөө» принцибин өнүктүргөн. Анын пикиринде философиянын башкы максаты – акыйкатка ээ болуу эмес, адашуулардан арылуу. Мындай көз караш ойчулду ой-жүгүртүүлөрдөн алыс болуу жобосуна алып келген. Анын ою б-ча чындыкты акыл-эстин да, сезимдин да жардамы м-н таанып билүү мүмкүн эмес. Ушул себептен ал ой жүгүртүүдөн оолак болууга чакырган. Ал адамдын тажрыйбалык ишмердиги жетиштүү деген.
Г. Т. Ботоканова.