АРАЛАШ ТОЮТ

– сиңимдүү заттарга бай кургак тоют аралашмасы. Концентраттык тоют

ж-а кошумча тоют аралашмасынан атайын ре­цепт б-ча жасалат. А. т. түрдүү биол. активдүү заттар кошулуп жасалса, жагымдуу ж-а даамдуу болуп, аш болумдуулугу 20—30 %ке жогорулайт. Малды керек азык зат м-н камсыз кылып, түрдүү ыландан сактайт. Ал жасалышы б-ча үч түргө бөлүнөт: толук рациондуу, аралаш жем ж-а белоктуу-витаминдүү кошунду. А. т-тун курамында 5–8 компонент: арпа, буудай, күнжара, жүгөрү, саман-топон, витаминдүү чөп уну, антибиотик, туз ж. б. бар. Ал майда, орточо ж-а кесек түрүндө болот. А. т. ун, акшак, бүртүк ж-а брикет түрүндө даярдалат. Бул тоют мал­дын түрүнө, жашына, чарбалык маанисине, кунардуулугуна жараша өлчөм м-н берилет.