АЛГЫ

 (Korolkovia severtzovi) ‒ лилия гүлдүүлөр тукумундагы, көп жылдык чөп. Түбү тоголок, эни 5 см. сабагы жоон, 20‒60 см, жалбырактары учунда гана жайгашат, калганы жылаӊач. Жалбырагы сапсыз, калыӊ, сабагына оролуп, кезектешип жайгашат. Гүлү анча көп эмес, кызгылтым күрөӊ. Мөмөсү ‒ кыска саптуу кутуча. Июнь‒июль айларында гүлдөйт. Ак топурактуу бөксө тоо капталдарында өсөт. Кыргыз Ала-Тоосунун түштүгүндө, Талас Ала-Тоосунда, Алай, Чаткал кырка тоолорунда кездешет.