АЛАМҮДҮН КАПЧЫГАЙЫ

 Кыргыз Ала-Тоосу нун ортонку бөлүгүнүн түн. капталында. Уз. 50 км, деӊиз деӊг. бийикт. 1000‒4000 м. А. к.

кууш, өтө тереӊ (800‒1000 м). Капчыгайдын баш жагы үч айрыкка бөлүнөт, алар кошулуп, антропоген мезгилиндеги муздук кеӊейткен жайыгыраак (1,5 кмге чейин) төргө өтөт. А. к. улам төмөндөгөн сайын куушурулуп, туурасы 25‒50 мден ашпайт. Капталдары жантык, кээде тик (30‒60°). Чуӊкурчак өрөөнүндө алкымга айланат. Капчыгайдан Аламүдүн суусу агат. Баш жагына шалбаалуу альп ж-а субальп, төмөнкү бөлүгүнө бадалдуу шалбаа ландшафты мүнөздүү. Капчыгайдан минералдуу суу булактары чыгат. Ал жерге эс алуучу ж-а дарылануучу жай курулган. Чүй өрөөнүнө чыга беришинде Аламүдүн

Файл:АЛАМүДүН КАПЧЫГАЙЫ26.png

Аламүдүн капчыгайынын баш жагы.

суу сактагычы курулган. А. к. негизинен жайыт ж-а туристтик жай катары пайдаланылат.