АЛА КУРТ

 (Vermipsilla) ‒ бүргөлөр уруусунда гы мите. Анын эки түрү бар, Кырг-нда бир түрү кеӊири таралган. Ал пайда кылган ылаӊ А.к. ылаӊы деп аталат, аны м-н бардык мал, айрыкча кой, жылкы катуу ылаӊдайт. Бир курт суткасына 100 мгдан ашык кан соруп, малда 3 айга чейин жашайт, денесин кычыштырат. Тери канталап, жүн кырчылып түшөт; малдын каны азайып, арыктайт, кээде өлүмгө учурайт. Дарылоо: 10%түү хлорофос эритмеси м-н малдын денесин жууп, териге дуст себилет. Алдын алуу үчүн ал кездешкен жайытты тазалоо, короонун тегерегиндеги кыкты өрттөө, дезинфекциялоо керек.