АЛА-БУКА кыштагы

‒ Жалал-Абад обл-ндагы кыштак. Ала-Бука р-нун ж-а Ала-Бука айыл аймагынын борбору. Облустун борбору Жалал-Абад ш-нан 230 км түн.-батыш тарапта. Наманган темир жол бекетинен 65 км. 1900-ж. отурукташкан. Деӊиз деӊг. 1240 м бийиктикте жайгашкан. Калкы 10380 (2009). Төрт орто мектеп, балдардын көркөм өнөр мектеби, 3 бала бакча, спорт мектеби, балдардын чыг. үйү, борборлоштурулган оорукана (бейтапканасы м-н), учук оорулар диспансери, дарыкана, мечит, спорт клубу, китепкана, музей, эстеликтер комплекси, тегирмен ж. б. бар. Айылдан 5 км түш.-батышта Орто-Токой суу сактагычы курулган. Кыштактын түн.-чыгышында Шах-Фазил күмбөзү (13-к.) жайгашкан. Улуу Ата Мекендик согушта курман болгондорго эстелик тургузулган.