АГИОГРАФИЯ

 (гр. – ыйыктар ж-дө жазамын) – диний темада жазылган чыгармалар. Пайгамбарлардын ж-а олуялардын турмушу тууралуу чагылдырылат. Ар кандай диндерге байланыштуу А-нын темасы, идеясы, максаты ар түрдүүчө болгон. А. Навоинин «Пайгамбарлар жана даанышмандар тарыхы» деген чыгармасында ислам дининин ыйыктары ж-дө айтылат. Кыргыздардын революцияга чейинки жазма ж-а оозеки адабиятында мындай чыгармалар болгону м-н алардын көбү бизге толук жетпей калган. Акын Э. Эрматов Мухаммед пайгамбар тууралуу ыр китебин жазган ж-а анда ал инсандын өмүрү, ишмердүүлүгү чагылдырылган.