АБДУЛЛА Хафиз

АБДУЛЛА ХАФИЗ (чыныгы аты-жөнү – Файзуллаев Абдулла; 1869–1944) – артист, Кыргыз ССРинин эл арт. (1940), Өзбек ССРинин эл ырчысы (1943). Намангандагы шайырлар ийриминде, Чыгыш труппасында, Оштогу музыкалык драма театрында, согуш жылдарында Ташкент обл-нун Янги-Юл шаардык музыкалык драма ж-а комедия театрында иштеген. «Көчө багы», «Ош шагы», «Эшпай», «Абдурахман Беги», «Баят», «Календер» ж. б. ырларды аткарган. А.-X. аткарган мукамдуу ырлары Кыргыз радиосунун фондуна жазылып алынган.