АБДРАКМАТОВ Канат

АБДРАКМАТОВ Канат Ермекович (28. 12.1953-ж. т., Ысык-Көл обл., Кажы-Сай кыш.) - геолог, геол.-минерол. илимд. доктору (1996). ФПИни бүткөн (1976). Батыш Казак суу чарба долбоорлоо ин-тунда (Урал ш.) улук инженер (1976–79), Кыргыз ССР ИАнын Сейсмология ин-тунда кенже, улук ил. кызматкер (1979–88), лаборатория башчысы (1988–2005-ж.). 2005-жылдан УИАда Сейсмология ин-тунун директору. Илимий ишинин негизги багыты плейстоцен-голоцен мезгилинин тектон. кыймылы, активдүү жаракалар жана палеосейсмологиялык бузулуштар, жер кабыгынын азыркы кыймылы. 106 ил. эмгектин (анын ичинде 2 монография) автору.