КЫРГЫЗ ПОЭЗИЯСЫНЫН АНТОЛОГИЯСЫ

КЫРГЫЗ ПОЭЗИЯСЫНЫН АНТОЛОГИЯСЫ – «Кыргызстан-Сорос» фонду тарабынан чыгарыл­ган эки томдук китеп (1-томун К. Жусупов түзгөн 1999-; 2-томун С. Акматбекова, С. Тур­гунбаев, Т. Самудинов түзүшкөн 2000-ж.). 1-том «Кыргыз эл ырлары», «Элдик эпостор», «Элдик поэмалар», «Байыркы орток түрк поэзиясынан»; «IХ–XVII кылымдагы кыргыз поэзиясынан», «XVIII–XIХ кылымдагы кыргыз поэзиясынан», 2-том «Алтын чачыла», «Улуулардан жуккан сөз», «Үмүттүү толкун – жаш толкун» деген бөлүмдөрдөн турат. Сунуш кылынган чыгарма­лардын, авторлордун кыска таржымалдары бе­рилет. К. п. а-нын өзгөчөлүктөрү: улуттук поэ­зиянын байыртадан бери келаткан көркөм му­растары биринчи жолу өтө кеңири берилген; экинчиден, ар кандай себептер м-н мурда чы­гармалары басылбай келген авторлорго көңүл бурулган; чет өлкөлүк кыргыздардын чыгарма­лары көңүл сыртында калбаган; орток түрк по­эзиясынын өкүлдөрү кошулган; жаштар поэзи­ясына өзгөчө маани берилген; баш сөздө кыр­гыз поэзиясынын тарыхы кеңири талдоого алынган.