КУТАИСИ

КУТАИ́СИ – Грузиядагы шаар. Риони д-нын боюнда. Калкы 175,7 миң (2007). Т. ж. бекети. Машина куруу (з-ддору: автомобиль, электр-мех., чакан трактор ж. б.), хим., жеңил, тамак-аш ө. ж. ишканалары иштейт. Эки ЖОЖ (а. и. ун-т), үч театр, тарыхый этногр. музей, З. П. Палиашвилинин үй-музейи, сүрөт галереясы бар. Б. з. ч. 6-к-дан белгилүү. Колхида жана Имерети падышалыгынын борбору болгон. 1810-ж. Россия империясынын курамына кирген. Баграт храмынын (10–11-к.) калдыктары сакталган.