КУЛУЕВ

КУЛУЕВ Шабданбек (1. 1. 1942-ж. т., Тянь-Шань (азыркы Нарын обл., Жумгал р-ну, Чаек кыш.) – акын, педагог, КРдин гимнинин текстинин автору (Ж. Садыков менен бирге). КРдин мад-тына эмг. сиң. ишмер (1994),

КРдин эл мугалими (2011). 1968-ж. КМУну бүтүргөн. 1963– 69-ж. Суусамыр өрөөнүндөгү Каракол, 8-Март орто мектептеринде мугалим, 1969–77-ж. Фрунзе (азыркы Түркмөн атн.), Жумгал орто мектептеринде тарбия иштери б-ча директордун орун басары, директор, 1977–2006-ж. Түркмөн атн. орто мектепте окуу бөлүмүнүн башчысы, мугалим болуп иштеген. «Алас, алас», «Кийик сай», «Куланчы мерген», «Сезим кайрыктары» ырлар жыйнактарынын, «Кылымдар жаңырыгы», «Мидин минткен экен», «Эл-жер баяны» китептеринин автору.