КУЛАНАК

КУЛАНАК – Нарын р-нундагы кыштак. Учкун айыл округуна караштуу. Нарын д-нын сол өйүзүндө, Нарын – Казарман жолунун боюнда, деңиз деңг. 1850 м бийиктикте жайгашкан. Райондун борбору Нарын ш-нан 44 км батыш тарапта. Балыкчы т. ж. бекетинен 334 км. Кыш­так 1907-ж. негизделген. Калкы 2705 (2009); негизинен мал менен алектенет. Орто мектеп, китепкана, клуб, кесиптик-тех. окуу жайы бар. Үй­бүлөлүк врачтар тобу, мончо, турмуш-тиричилик кызматынын бөлүмдөрү, 9 тегирмен иштейт. Улуу Ата Мекендик согушта курман болгондорго эстелик тургузулган. Кыштакта Соц. Эмг. Баатырлары Ж. Кулумбаев, Т. Эркимбаев жана Кыргыз ССРинин эл артисти Т. Жумакаева туулган.