КҮЧТӨРДҮ КОШУУ

КҮЧТӨРДҮ КОШУУ – белгилүү системанын күчүн көрсөтүүчү ж-а күчтүн ушул системасы­нын негизги вектору деп аталуучу векторлордун геом. суммасына барабар вектор чоңдугун эсептөө. К. к. векторлорду кошуу эрежеси, а. а. параллелограмм эрежесин же күчтөрдүн көп бурчтугун түзүү м-н аткарылат. Бир чекитке аракеттенүүчү К. к. м-н алардын тең аракеттенүүсү аныкталат. Эгерде катуу нерсеге аракет эткен күч системасы тең аракет этүүчүгө ээ болсо, анда ал ушул күчтөрдүн башкы векторуна барабар.