КҮЛЧӨТАЙ

КҮЛЧӨТАЙ – кыргыз-казактын улуттук тамагы; камыры жука жайылып, тилкелене кеси­лип, эттүү сорпого бышырылып, эти м-н бирге идишке сүзүлүп тартылуучу тамак. Сорпосу ке­селерге куюлуп, өзүнчө берилет. О. эле аймак­тык өзгөчөлүктөргө жараша айрым жерлерде ка­мырын кичинекей тегерек түрдө калың жайып, эки четин кол м-н бириктирип, эттүү сорпого бышырат же К-ды кесме ордуна туурап жибер­ген учурлар да кездешет.