КЕНДИРБАЕВА

КЕНДИРБАЕВА Жумагүл Жумаевна (23. 1. 1949-ж. т., Ысык-Көл обл., Түп р-ну, Талды- Суу айылы) – геология-минералогия илимд. доктору (2004), проф. (2006). ФПИни (1971) бүтүргөн. «Кыргызгипроводхоз» долбоорлоо ин-тунда инженер (1971–73), Кыргыз ССР ИА- нын Сейсмология ин-тунда инженер, ил. кыз­маткер (1973–90), КРдин Саламаттык сактоо ми­нистрлигинин алдындагы «Бейиш» элдик ме­дицина борборунда жетектөөчү ил. кызматкер, бөлүм башчы, директордун ил. иштер б-ча орун басары (1991–2001), И. Арабаев атн. КМУнун доценти (1991), И. Раззаков атн. КТУнун проф. (2006), Ж. Баласагын атн. КУУнун проф. (2007) болуп иштеген, КРдин Саламаттык сактоонун, отличниги (1999). 150 ил. эмгектин, а. и. 2 мо­нография, 8 патенттин автору. Ил. иштеринин негизги багыты: тоолуу аймактарда табигый шарттын өзгөрүшүнөн суу ресурстарынын тар­тылуу же суу каптап, топурак кыртышынын сазга айлануу проблемалары.