КАЛИНИН Михаил Иванович

КАЛИ́НИН Михаил Иванович [7 (19). 11. 1875, Тверь губерниясы, Корчев уезди, Жогорку Трои­ца кыштагы (азыркы Тверь облусу, Кашинск району) – 3. 6. 1946, Москва] – советтик мамлекеттик, партиялык ж-а орус революциясынын ишмери, Социалисттик Эмгектин Баатыры (1944). 1900-16-жылдардагы революциялык иши үчүн бир нече жолу камалып, сүргүнгө айдалган.

1905–07- жылдардагы революциянын каты­шуучусу, РСДРПнин Нарва райондук, Петербург комитеттери­нин, куралдуу көтөрүлүш даярдоо б-ча аскер штабы­нын мүчөсү. РСДРПнин 4- съездинин (1906) делегаты. 1908–10-жылдарда Москвада партиялык иштерде. РСДРП(б) БКнин бюро мүчөсү (1912-13). 1917-жылдагы Февраль революциясына активдүү катышкан. РСДРП(б)нин Петроград комитетинин, «Правда» гезитинин редак­циясынын, жумушчу ж-а солдат депутаттары­нын Петроград советинин мүчөсү. Октябрь рев­ясынан кийин (1917) Петроград шаар чарба ко­миссары, ББАКтын (1919–38), СССР Жогорку Советинин Президиумунун төрагасы (1938–46) болуп иштеген. РКП(б) БКнын мүчөсү (1919-46), ВКП(б) БКнын Саясий бюросунун мүчөсү (1926–46). Россияда Калининград шаары, Калининград облусу ж. б., Кыргызстанда кыштактар Калининдин ысмынан аталат. Үч Ленин, эки Кызыл Туу ордендери м-н сыйланган. Сөөгү Кызыл Аянтка коюлган. 1946-ж. Москвада Калининдин музейи ачылган.