КАШКА БЕДЕ

КАШКА БЕДЕ (Melilotus) – чанактуулар туку­мундагы бир жылдык же эки жылдык өсүмдүк уруусу. 25тей түрү, а. и. КМШ өлкөлөрүндө 12 түрү белгилүү.

К. б-нин сабагы түз, бутактанып өсөт, жылмакай (бийикт. 1,5–3 мче). Жалбы­рагы үчилтик, чети тарамдуу. Гүлү майда, чачы сымал, сары же ак. Чанагы сөлпү, кара же сары, уругу майда. 1000 данынын салм. 1,7–1,9 г. Та­мыры чың, жерге 1,5–2 м терең кирет. Кургак­чылыкка, суукка чыдамдуу, топуракты анча тан­дабайт. Акиташтуу топуракта жакшы өсөт. Не­гизинен эки түрү – ак К. б. ж-а сары же дары К. б. көп эгилет. Тоютка негизинен ак К. б. ай­далат. Курамында белок, витамин ж-а минерал туздар көп. Тоюттук сапаты жагынан кадимки бедеден калышпайт. Ак К. б-нин курамында 73,2% суу, 44% протеин, 0,5% май, 9,7% клет­чатка, 10,5% азотсуз зат, 1,7% күл бар. 100 кг кургак чөбүндө 44,0 тоют бирдиги, 11,6 кг сиңимдүү про­теин болот. Гектары­нан 200 цден түшүм алынат. К. б. балдуу өсүмдүк, бал аарыла­ры ар гектардан 200– 500 кгга чейин бал топтойт. Кырг-ндын шор топурактуу жер­леринде өстүрүлөт.