КАРА-ШОРО МИНЕРАЛДУУ СУУСУ

КАРА-ШОРО МИНЕРАЛДУУ СУУСУ , К о ң у р - Д ө б ө м и н е р а л д у у с у у с у – Ош обл-нун Өзгөн р-нундагы дарылыкка ичүүгө жа­рамдуу минералдуу муздак суу булактары.
Өзгөн ш-нан 80 км чыгыш тарапта, Фергана тоо тизмегинин түш.-батыш капталындагы Жазы ж-а Коңур-Дөбө сууларынын кошулган жеринде, деңиз деңг. 2300 м бийикте. 1945-ж. табылып, сууну пайдалануу мүмкүнчүлүгүн аныктоо үчүн 1948–54-ж. изилденген. Суу бу­лак түрүндө ж-а тереңдиги 70–130 м келген 14 бургулоо көзөнөктөрүнөн чыгат. Булактар юра мезгилинин башталышындагы кумдук, алев­ролит, аргиллит, чополуу сланец, гравелит ж-а конгломерат катмарлардан (калыңдыгы 700 м) чыгат. Көмүр кычкыл газдуу минерал­дашкан (5–6 г/л) сууларга кирет. Түссүз, жыт­сыз, даамы кычкыл, суунун темп-расы 7,6– 14,5°С. Курамы б-ча Есентуки суусуна окшош. Запасы суткасына 0,197 миң м³ (1971). Суу бөйрөк, боор, ичеги-карын, кан басым, диабет ооруларына пайдалуу.