КАРА-БАЛТА (Жайыл районун­дагы суу)

КАРА-БАЛТА , К ө л - Б а ш ы – Жайыл р-нун­дагы суу, Ак-Суунун (Чүйдүн алабы) сол куй­масы. Уз. 133 км, алабынын аянты 577 км². Кыргыз Ала-Тоосунун түн. капталынан баш­талат. Алабынын деңиз деңг. орт. бийикт. 2910 м. Өрөөнүнүн таманы кууш, жогорку бөлүгү туюк төрлөр м-н бүтөт. Алабында чакан мөң­гүлөр ж-а көлдөр бар. К.-Б-нын жалпы уз. 268 км келген 84 куймасы бар; негизгилери: Чоң- Мазар (12 км), Абла (11 км), Туюк (16 км). Орт. чыгымы 5,25 м³/сек. Май айынан сентябрдын ортосуна чейин кирип, сентябрь – апрель айла­рында тартылат. Июнь – июль айларында суу­су мол болуп, орт. чыгымы 14 м³/сек, айрым жылдары 21–22 м³/секга жетет; февраль – март айларында 1,60 м/секга азаят. Байкалган эң көп чыгымы 71 м³/сек, эң азы 0,65 м³/сек. Жылына орто эсеп м-н 23 сутка суунун бетин муз каптап жатат. Шыргалаң ноябрдын аягында башта­лып, марттын ортосунда токтойт. Январь–фев­раль айларында суунун темп-расы 1°С, июль – августта 11,2°С, айрым күндөрү 17,0°Сге чейин жогорулайт. Суусунда тоо жилиңгири, марин­ка балыктары бар. Сугатка пайдаланылат. К.-Б-дан 20 м³/сек суу өткөрүүчү Таш, ГЭС, Чоң Жетиген каналдары чыгарылган. Төмөнкү агы­мында Кара-Балта суу сактагычы курулган.
Өрөөнүндө Кара-Балта ш., Моңолдор, Сары-Бу­лак, Сосновка, Ставрополовка, Степной кыш. жайгашкан.