КАЛИГУЛА

КАЛИ́ГУЛА Гай Юлий Цезарь (лат. caligula – өтүкчү; мындай атты кичинекей чагында аскер­дин өтүгүнө окшогон өтүктөрдү кийген үчүн алып калган) (12, Анциум – 41, Рим) – Рим импера­тору (37-жылдан); Юлий – Клавдийлердин ди­настиясынан, Германиканын уулу, Тиберийдин ордун басуучу. Ал чексиз бийлик жүргүзүүгө ара­кеттенген. К. мамл. каражаттарды (преториан­дар үчүн сыйлыктарды, триумфтарды, оюн-та­машаларды уюштуруу ж. б.) короткону үчүн бай­лардын (өзгөчө сенаторлордун) байлыктарын конфискациялап ж-а салыктарды көбөйткөн. К-нын мүнөзүнүн катаалдыгы преториандардын ж-а сенаторлордун нааразычылыгын туудуруп, өзүнүн хан сарайында Кассий Херей тарабынан өлтүрүлгөн.