ИНВЕРТОР

ИНВЕ́РТОР (лат. inverto – аңтарам, өзгөртөм) – 1) э л е к т р т е х н и к а с ы н д а – туруктуу токту же чыңалууну бир же көп фазалуу өзгөрмө токко айландыруучу түзүлүш. Инвертор көз каранды ж-а автономдуу болот. Көз каранды инвертордо ту­руктуу ж-а өзгөрмө ток булактарынын ортосу­на башкаруучу вентиль, каршылык ж-а индук­циялуу түрмөк туташтырылат. Автономдуу инвертордо конденсатор ток булагынан дроссель ар­кылуу заряддалып, вентиль ж-а трансформа­тордун биринчи орому аркылуу разряддалат, ал эми экинчи оромунда өзгөрмө ток пайда бо­лот; 2) э с е п т ө ө т е х н и к а с ы н д а – кириши сигналсыз, ал эми чыгышы сигналдуу, кириши м-н чыгышы бирдей электрондук тү­зүлүш. Мында инвертор потенциалдуу ж-а импульстуу болуп бөлүнөт. Потенциалдуу инвертордо киришине чоң деңгээлдеги чыңалуу берилгенде, чыгышында кичине деңгээлдеги чыңалуу алынат ж-а буга тескери процесс жүрөт. Импульстуу инвертор импульс сигналдарын өзгөртүп турат; 3) р а д и о т е х­н и к а д а – чыгышы м-н киришинде амплиту­данын, уюлдуулуктун же электр сигналдары­нын фазаларынын өзгөрүшү карама-каршы бол­гон электрондук түзүлүш.