АСЫЛ ТУКУМ КИТЕБИ

тукумдун жылдык белгилерине туура келген мал катталуучу документ; асыл тукум ишин уюштуруудагы мамл. маанилүү ишчара. Китеп айрым чарбаларда ар кайсы мал тукуму б-ча иштеген селекционер лердин ишин чагылдырат. Анда уй, кой, жылкы, эчки ж. б-дын таза тукумдагысы катталат. Ар бир тукум үчүн өзүнчө китеп болуп, элита ж-а 1-класстын талабына (мал бонитировкалоо инструкциясы б-ча) туура келген асыл тукум мал катталат. Анда ошол мал (төл) алынган асыл тукум мал чарбасы жазылып, малга катар номер ж-а марка берилет.