АКТИВДҮҮ КӨМҮР

, а к т и в д е ш т и р и л- г е н к ө м ү р ‒ майда көзөнөктүү ж-а сиӊиргич касиети бар адсорбент. Таш-Көмүр же жыгач көмүрүнө суунун өтө ысытылган буусун же көмүр кычкыл газын жогорку темп-рада таасир этүүдөн алынат. Ошондо көмүрдүн ичиндеги чайыр сымал заттар жоголуп, майда көзөнөкчөлөр пайда болот. Ал көзөнөкчөлөрдүн эсебинен көмүрдүн үстүӊкү бети чоӊоюп, заттарды көп сиӊирет. А. к. тез учуучу суюктуктардын буусун абадан ж-а газ аралашмасынан сордурууда, өндүрүштө баалуу орг. эриткичтердин буусун сиӊирүү жолу м-н жыйнап, кайра өндүрүшкө жумшоодо, противогаз жасоодо, эритмелерден орг. заттарды бөлүүдө, медицинада ж. б-да пайдаланылат.