АБШЫР-САЙ АСКА БЕТИНДЕГИ СҮРӨТТӨР

 – Ош обл-нун Ноокат р-нундагы Көк-Жар кыштагынан 5 км түш. тарапта, Абшыр-Сай капчыгайындагы аска беттерине тартылган байыркы сүрөттөр. 1979-ж. Абшыр-Ата шаркыратмасынан 20 км түш. тарапта, суунун башатындагы аскага тартылган сүрөттөр археолог Ю. А. Заднепровский тарабынан изилденген. Бул жерден эчки-текелердин, жаныбарлардын, о. эле стилдик жагынан Араван ж-а Сүрөт-Таштагы аска бетине тартылган даңазалуу даван аргымактарына окшош жылкылардын сүрөттөрү кездешет.