КУРУЛУШ МАТЕРИАЛДАРЫ

КУРУЛУШ МАТЕРИАЛДАРЫ – имараттарды же башка жайларды курганда же оңдогондо колдонулуучу табигый жана жасалма материалдар. К. м. курамы жана сапаты б-ча табигый таш (талкаланган, кесилген, жылмаланган); бириктиргич борпоң материалдары (кум, шагыл); орг. (битум, рубероид, толь, асфальт-бетон, аралашмалар ж. б.); орг. эмес жабышкак материалдар (гипс, акиташ, цемент ж. б.); карапа материалдар (кыш, карапа ташы жана тактасы); жыгач (тактай, фанера); металлдар (болот прокаттар, арматуралар, имараттын каркастары, ѳткѳргуч тутуктѳр); жылуулук, суу жана ун ѳткѳрбѳѳчу материалдар ж. б. болуп бѳлунѳт. К. м. колдонулушу б-ча фундаментке (бетон, таш, темир-бетон), дубалга (кыш, бетон, карапа, блок, панель), имаратты жабууга (темир-бетон такталары жана панелдери, кѳңдѳй карапа, жыгач материалдары), полго (тактай, паркет, карапа такталары ж. б.), чатырды жабууга (черепица, сланец, шифер, жука темир жана чоюн такта), жылуулук жана суу ѳткѳрбѳѳгѳ (минерал жана айнек кебездери, кѳбуктуу бетон жана айнек-жыгач була, кийиз, кебез, пергамин, сыр, лак, чопо, цемент ж. б.), кооздоо жана жасалгалоого (гранит, акиташ, мрамор, карапа такталары, шыбак аралашмалары, линолеум, кооз кагаз) ж. б. колдонулма материалдар болуп айырмаланат. Жалпысынан К. мененын турлѳру абдан кѳп, алар бири биринен сапаты, курамы жана арналышы б-ча айырмаланат.