КУМЫК ТИЛИ

КУМЫК ТИЛИ – кумуктардын тили; Дагстандын мамл. тилдеринин бири. Дагстанда, Чеченстанда, Түн. Осетин Респ-ына тараган. К. т. түрк тилдеринин кыпчак тобуна кирет, бирок анда огуз топторуна жакындаткан элементтер да арбын кездешет. Карачай, балкар, ногой, караим жана крым татарларынын тилине жакын. Ада­бий К. т. Октябрь рев-ясынан кийин касавюрт жана буйман диалектисинин негизинде түзүлгөн.
Жазуусу 1928-ж. чейин араб алфавитинде, 1928–38-ж. латын жазуусунда, 1938-жылдан орус графикасына өткөн. К. т-нде орус тилинен кирген сөздөр арбын.