КЕРБЕН (Аксы районундагы шаар)

КЕРБЕН , К э р в э н, К а р а в а н – Жалал-Абад облусунун Аксы районундагы шаар (2004-жылдан). Аксы районунун ж-а Кербен шаар башкармалы­гынын борбору. Бозбу-Тоонун батышында, де­ңиз деңгээлинен 1300 м бийикте жайгашкан. Шамал­ды-Сай темир жол бекетинен 80 км аралыкта. Кыш­так катары 1870-жылга чейин негизделген. Калкы 14 миңдей (2008); негизинен дыйканчылыкта эмгектенип, мал м-н алектенет. Беш орто мек­теп, китепкана, жатак ж-а кесиптик-техникалык ли­цейлери, спорт мектеби, кинотеатр, маданият үйү (400 орундуу), мечит (Азрети Умар атындагы), парк, оорукана ж. б. бар. В. И. Ленинге, Улуу Ата Мекендик согушта курман болгондорго эстелик тургузулган. «Ыман-Ата» АКсы (мурдагы май заводу), «Гүлазык» жоопкерчилиги чектелген коому (мурдагы шарап заводу) ж. б. иштейт.