КАТЫРАҢ ТООСУ

КАТЫРАҢ ТООСУ Фергана ойдуңунун түштүгүн­дө. Чыгышында Охна-Тамаша ойдуңу, баты­шында Бели-Сынык тоосу, Кара-Токой–Айдар­кен ойдуңу ж-а Фергана ойдуңунун адырлары жатат. Кадамжай р-нунун аймагында. Уз. 44 км, эң жазы жери 8 км, орт. бийикт. 3000 м, эң бийик жери 3375 м (Катыраң чокусу). Палеозой заманында пайда болгон акиташ тегинен, тоо этектери неогендин борпоң чөкмөлөрүнөн турат. Тоонун түн. бөлүгүнөн байыркы муз каптоонун издери байкалат. Ландшафты бийиктик б-ча өзгөрөт. Капталдарында талаа ж-а шалбаалуу талаа, токой, альп ж-а субальп шалбаа өсүмдүк­төрү өсөт. Жайыт.