КАРТАХЕНА

КАРТАХЕ́НА , К а р т а х е н а - д е - И н д и а с – Колумбиядагы шаар. Боливар департаментинин адм. борбору. Кариб деңизинин жээгинде, Маг­далена д-ндагы деңиз порту (жылына 7 млн т жүк ташылат). Калкы 885,7 миң (2008). Жол тоому. Эл аралык аэропорту бар. Нефть ажыра­туу, тамак-аш, цемент, хим. ө. ж. ишканалары иштейт. Шаар 1533-ж. негизделген. Кул соода­лоонун борбору болгон. К-нын тарыхый борбо­рундагы 3 квартал (ак сөөктөр, соода ж-а эл­дик) Бүткүл дүйнөлүк мурастын тизмесине кир­гизилген. 16–18-к-дын чептери, чиркөөлөрү, мо­настырлар ж-а соборлор сакталган. Өлкөнүн башкы ишкер, соода (зер буюмдар, асыл таш­тар) ж-а ө. ж. борбору. Машина куруу (а. и. кеме ремонттоо), жеңил ж-а тамак-аш, нефть

Шаардын заманбап бө­лүгүнүн көрүнүшү.

ажыратуу (Кариб деңизинин жээгиндеги ж-а өлкөдөгү эң ири; кубаттуулугу суткасына 75 миң баррель; 2010-ж. кубаттуулугу суткасына 140 миң баррелге жеткирилет) ишканалары иштейт. Ун-ттер, музейлер, китепканалар бар. К-да ЭКФ (1961-жылдан) өткөрүлүп турат.