КАРАКОЛ (Көкөмерендин сол куйма­сы)

КАРАКОЛ , Б а т ы ш К а р а к о л – Ички Теңир-Тоодогу суу, Көкөмерендин сол куйма­сы. Жайыл, Жумгал р-ндору аркылуу агат. Уз. 89 км, алабынын аянты 1230 км². Кыргыз Ала-Тоосу м-н Карагатты тоосунун кошулган жеринен башталып, анча кууш эмес өрөөн аркылуу агат. Негизги куймалары: Туюк-Ала- Арча, Сөөк, Ашуу-Ала-Арча, Шили-Суу, Соку­лук, Чаар-Таш ж. б. Майда куймалары көп. Жылдык орт. чыгымы 19,7 м³/сек; эң көбү 56,9 м³/сек, эң азы 7,03 м³/сек. Май айында кирип, сентябрда тартылат. Боюнан Кожомкул атн. кыш. орун алган.