КОНДЕНСАТТЫК КУРУЛМА

КОНДЕНСАТТЫК КУРУЛМА – конденсатору бар түзүлүштөрдүн ж-а анын туура иштешин камсыз кылуучу түтүктөрдүн, насостордун, арматуранын, жөндөөчү ж-а өлчөөчү приборлордун комплекси. ЖЭСтердеги буу турбиналарын тейлөөчү К. к. ири курулмалардын катарына кирет. Ал буу турбинасында иштетип чыгарыл­ган бууну 5 кн/м² (0,5 кгк/см²) болгон төмөнкү басымда конденсациялоо үчүн колдонулат. Анда вакуум астында пайда болгон конденсатты сыртка чыгаруучу ж-а буу м-н кошо конденсаторго бара жаткан конденсацияланбаган газды, негизинен вакуум системасынын өтө тыгыз болбогон жеринен кирген абаны тосуп калуучу түзүлүштөр болот.