КЫЗЫЛ-ТУУ 7

КЫЗЫЛ-ТУУ – Талас облусунун Талас р-нундагы кыштак. Жерге-Тал айыл округуна караштуу. Талас ш-нын чыгышында, Талас суусунун боюнда, деңиз деңг. 1500 м бийикте жайгашкан. Райондун борбору Көк-Ой кыш-нан 15 км чыгыш тарапта. Жамбыл т. ж. бекетинен (Казакстан) 114 км. Кыштак 1934-ж. негизделген. Калкы 3035 (2009); негизинен мал м-н асырайт, дыйкан чарбаларында эмгектенет. Орто мектеп, китепкана, клуб, ФАП бар. Асыл тукум мал асыроо чарбасы, турмуш-тиричилик кызматынын бөлүмдөрү, соода түйүндөрү иштейт.