КОМПЬЮТЕР ВИРУСУ

КОМПЬЮ́ТЕР ВИРУСУ – башка программалык жабдыкка же файлга жугуп, аларды зыянга учу­ратуу үчүн иштелип чыккан компьютердик про­грамма. Вирус программасы контакт болгон программалык жабдыкка же файлга өзүн жа­быштырып коёт. Эгер вирус жуккан файл баш­ка компьютер системаcына жиберилсе же ага кайрылса, анда вирус башка системага да жу­гат. Азыркы учурда вирус программасы миңдеп саналат. Кеңири таралган программаларга кир­гизилген кээ бир вирустар бүт дүйнөгө тарайт. Текст иштетүүдө пайдаланылган макробуйрук­тарда вирус коддору жашырынып алат. Макро­буйруктардан жуктуруп алган вирустуу доку­мент ачылганда, вирус эске жүктөлөт ж-а ан­дан башка программага жугат. Айрым вирус­тар компьютер системасында бир нече ай жа­тып, убагы келгенде аракетке келип, берилиш­терди бузат, мисалы, «Жума; он үчүнчү» деп атал­ган вирус, айдын 13-күнү жума күнгө туш кел­се, машинада баш аламандыкты пайда кылат.«Микеланжело» деп аталган вирус Michelangelo туулган күнү 6-мартта катуу дисктеги маалы­маттарды өчүрө баштайт. Дагы бир «тире» деп аталган вирус башка вирустардай өзгө програм­маларга өзүн көчүрбөйт, ал жөн гана эске же дискке өзүн улам-улам көчүрмөлөй берип, эсти же дискти толтуруп коёт. Эсте же дискте орун калбай калганда, компьютер иштешин ток­тотот. Ошондуктан компьютер вирусу ага каршы программа м-н текшерилип ж-а тазаланып турат.