КУМАРИН

КУМАРИ́Н – aчуу даамдуу, жаңы чабылган чөп жыттанган түссүз кристаллдар; б. эрүү t 70^оC, кайноо t 291^оС, спиртте, диэтил эфиринде, эфир майларында жакшы, сууда начар эрийт. Щелочтор менен балкытып эриткенде ажырап, салицил жана уксус к-тала­рынын туздарын пайда кылат; спиртте калыбына келтиргенде, пропанолго айланат. Жумшак шартта катализдик гидрлөө менен дигидро­кумаринге, жарыкта дикумаринге димерленет. К. гликозиддер түрүндө 70ке жакын өсүмдүктүн курамынан табылган. Ө. ж-да салицил альдегидин уксус ангидриди менен конденсациялоодон алынат. К. парфюмерияда, тамекинин жытын жакшыртууда колдонулат.