КЕМЕР (суу жеп кеткен жээк)

КЕМЕР – суу жеп кеткен жээк, жарча, аңгек. Кемер жаңы тектоникалык кыймылдар­дан, абразия (клиф) про­цесстеринен, эрозиядан (да­рыя тектирлери) пайда бо­лот. Кемер түрк ж-а иран тил­деринде тоо капталы, жан­тайма, урчук, жээк, жар, дөбө, тоо маанисин билди­рет. Казакстанда оёң жер­лерди жарым-жартылай курчап турган айрым дөң­сөөлөр кемер делет. Азербай­жан, фарсы тилинде сүйлө­гөндөрдө – кемер («тоо», «дөбө», «тоо кыры» маани­синде), тажик, өзбектерде «камар» деп аталат. Кемер (ка­мар) топоними Тажикстанда (Камар, Камар- Булак, Ой-Камар, Кара-Камар ж. б.), Өзбекстан­да, Азербайжанда, Түркияда, Иранда ж. б. ке­ңири таралган.