ИЧКЕ-СУУ АЛТЫН КЕНИ

ИЧКЕ-СУУ АЛТЫН КЕНИ Баткен облусунун Ка­дамжай районунда, Тегирмеч, Абшыр, Аустан суу­ларын бөлүп турган кырларда, деңиз деңгээлинен 3300– 4000 м бийикте жайгашкан. 1987–93-жылдарда изилдөө иштери жүргүзүлгөн. Кен аймагы пермдин гра­нодиориттери, диориттери, кварцтуу диорит­порфирлери м-н жирелген, силурдун кумдуу катмарчалуу алевролиттеринен, кумдуктарынан түзүлгөн. Алтын-кварц-полисульфиддүү кен таш­тар роговиктешкен көмүртектүү алевролиттер­ден турат. Алар бири-бирине жакын ж-а тик жантайган (60°–80°) түндүк-чыгыш субмеридиан багытындагы жаракалар зонасы м-н байланыш­кан. Кенташтын негизги минералдары: пирит, арсенопирит, халькопирит, сурьманын сульфат тузу. Кенташтардагы пайдалуу компоненттер­дин орточо өлчөмү: алтындыкы – 4,5 г/т, күмүш­түкү – 84,8 г/т, вольфрам кычкылыныкы – 0,026%, висмуттуку – 0,013%, жездики – 0,068%, сурьманыкы – 0,23%. Алтындын запасы ж-а ре­сурсу 46,251 т, күмүштүкү – 879,3 т, вольфрам кыч­кылыныкы – 2691,4 т, висмуттуку – 1428,2 т, жездики – 7067 т, сурьманыкы – 24000 т.