ИБРАЕВ Бообек

ИБРАЕВ Бообек (19. 3. 1935, Ысык-Көл облусу, Же­ти-Өгүз району, Чоң-Кызыл-Суу айылы – 6. 7. 2000, Бишкек) – режиссёр, Кыргыз Республикасынын эл артисти (1995). Ташкенттеги А. Островский атындагы театр жана көркөм өнөр институтунун ре­жиссёрлук факультетин бүтүргөн (1961).

Жалал-Абад облустук кыргыз драма театрында (1961–1962), Тянь-Шань облустук музыкалык драма театрында (1963–1971), Кыргыз мамлекеттик драма театрында (1971–1981), Оштогу өзбек музыкалык драма театрында (1981–1982), Ысык- Көл кыргыз драма театрын­да (1982–1987), 1987-жылдан Кыргыз мамлекеттик академиялык драма театрында иштеген. Ибраев режиссёр катары театр сахнасында К. Жан­төшевдин «Курманбек», Ч. Айтматовдун «Кы­зыл жоолук жалжалым», «Жамийла», Б. Жа­киевдин «Алтын аяк», «Миң кыял», «Күттүргөн жаз да келер», Ж. Турусбековдун «Ажал орду­на», Ж. Бөкөнбаевдин «Алтын кыз», М. Каримдин «Ай тутулган түндө», Ж. Садыковдун «Айкөл Манас», «Сейтек», «Манастын уулу Семетей», Т. Касымбеков, К. Сактановдун «Кур­манжан датка» жана башка

Т. Абдумомунов. «Ашырбай» спектаклинен көрүнүш. Режиссёр Б. Ибраев. 1972.

көптөгөн чыгармаларды койгон. Б. Брехттин «Өлөрман эне жана анын балдары» драмасын биринчилерден болуп кыр­гызча сахналаштырган. Медалдар менен сый­ланган.