КЫПЧЫЛМА барагынын баштапкы кодун көрүү

<b type='title'>КЫПЧЫЛМА – </b>Өзгөн р-нунун аймагындагы кооз капчыгай. Фергана тоо тизмегинин түш.- батышындагы Жазы өрөөнүнүн ортолук, антецеденттик бөлүгүн ээлейт. Жазынын оң куймасы – Чыттыдан ылдый, 1950 <i>м</i> бийиктен башталып, капчыгайдын кууш оозу 1820 <i>м</i> бийикте бүтөт. Уз. 7 <i>км</i>ге жакын, өтө кууш, терең каньон бөлүгү 1 <i>км</i>ге созулат; туурасы 50–60 <i>м</i>, айрым жерле&shy;ри андан да кууш. Капчыгай палеозойдун аки&shy;таш, филлит, сланец, кумдук тектеринен тур&shy;ган Кыпчылма антиклиналын төртүнчүлүк мез&shy;гилде Жазы суусу жырып жеп, кесип өтүшүнөн пайда болгон. Капталдары тик, бир кыйла жери жалама аска-зоока. Күн чыгыш жак оң бети 700–800 <i>м</i>ге жеткен тик аскалуу. Сол жак бетинде чолок сайлар, эшилме корум таштар көп. Мурда, зоокаларды жарып жол салганга чейин, адам аска, жарларга жармашып, терең капчы&shy;гайдан араң өтчү экен. Өзөндүн нугу зоокалар&shy;дан түшкөн зор таштарга толгон. Жазынын суусу таштан-ташка урунуп, шаркырап, капчыгайдын ичин жаңыртып тез агат. К-нын ичи каксоо, өсүмдүктөргө жарды; бадалдар сейрек, арча, ка&shy;рагай чанда учурайт. Капчыгай аркылуу автомобиль жолу өтөт. К., андан жогору жайгашкан Качыраалы коругу, Кара-Шоро ж. б. кооз жерлер зор кызыгууну туудурат.
[[Категория:4-том, 657-736 бб]]