КРЕДИТ барагынын баштапкы кодун көрүү

<b type='title'>КРЕДИ&#769;Т</b> (лат. creditum – ссуда, credо – ише&shy;нем) – 1) <i>кредитордун</i> насыя алуучу жеке адам&shy;га жана юрид. жакка белгилүү мөөнөткө үстөгү (проценти) менен акчалай же товар түрүндө карыз бериши; кредитор менен карыз алуучунун орто&shy;сундагы өз ара мамилелер. Ал түрдүү формала&shy;ры, зайым, лизинг, факторинг ж. б. менен мүнөз&shy;дөлөт. К. байыркы мезгилдерде эле пайда бол&shy;гон. К-тин кайра бөлүштүргүч, айланма кредит куралын түзүү, кайта өндүрүү жана жөнгө салуу&shy;чу функциялары бар. Берилген затына карата К-тин товар, акчалай жана аралаш формасы ке&shy;зигет. Алгач товар формасындагы (мал, эгин ж. б.) К-тик мамилелер болгон. Товар форма&shy;сындагы К. убактылуу колдонууга конкреттүү заттын (мал, дан, тери ж. б.) берилишин кара&shy;ган. Бул форма акча мамилелери пайда болгуча колдонулган. Бүгүнкү күндө деле товар түрүндөгү К. товарларды кандайдыр бир мөөнөткө төлөмүн
үстөгү менен бөлүштүрүп жүргүзүлүүдө. Эгер алын&shy;ган товардын (электр приборлор ж. б.) ордуна
төлөмү акча каражаты аркылуу же тескерисин&shy;че жүргүзүлсө, К-тин аралаш формасы болот. Акча түрүндөгү К. убактылуу колдонууга үстөгү менен берилүүчү акча каражаттарын камтыйт. Бул К-тин формасы бардык экон. мамилелердин субъекттери (мамлекет, ишкана, жарандар ж. б.) тарабынан кеңири колдонулат. К. берил&shy;ген мөөнөтү б-ча кыска (1 ж. чейин), орто (1–5
жыл) жана узак (5 жылдан көп), ал эми берили&shy;ши б-ча эл аралык, мамл., банктык, керектөө&shy;чүлүк, товардык, коммерциялык, ипотекалык
ж. б. болуп бөлүнөт. К. чарбалык иш-чаралар&shy;ды жүргүзүүдө, айлануу каражаттарын толук&shy;тоодо, негизги фонддорду өстүрүүдө, банк систе&shy;масынын өтүмдүүлүгүн жөнгө салууда ж. б. иштерде К-ке өзгөчө роль таандык; 2) бухгалте&shy;рия эсебинин оң тарабы. Актив эсебинде К-ке жазуу каражаттын азайышын, ал эми пассив&shy;де – каражаттын көбөйүшүн көрсөтөт.


Ад.: Деньги, кредит, банки. М., 2000; Кредит и кредитный рынок. М., 2006; Банковское дело: сов&shy;ременная система кредитования/ Под ред. О. И. Лав&shy;рушина. 4-е изд. М., 2009.
[[Категория:4-том, 547-596 бб]]