КОЛУМБИЯ (Канада м-н АКШдагы дарыя) барагынын баштапкы кодун көрүү

<b type='title'>КОЛУ&#769;МБИЯ</b> – Канада м-н АКШдагы дарыя. Узундугу 2000 <i>км</i>, алабынын аянты 669 миң <i>км</i><sup>2</sup>. Аска&shy;луу тоолордогу Колумбия көлүнөн башталып, Тынч океанга куят. Бул жерде узундугу 75 <i>км</i>, аянты 412 <i>км</i><sup>2 </sup>болгон эстуарий пайда болгон. Ири куй&shy;масы – Снейк (сол). Колумбия платосунан кууш өрөөн аркылуу агып, Каскад тоолорун кесип өтөт. Суусу жаз, жай мезгилдеринде тоодогу кар, мөңгүлөрдүн эришинен ташкындап, кышында тартылат. Орточо чыгымы төмөнкү агымында (Те- Далс шаары тушта) 5200 <i>м</i><sup>3</sup>/<i>сек</i>, жылдык агымы&shy;нын көлөмү 164 <i>км</i><sup>3</sup>. Колумбия гидроэнергетикалык ресурстарга бай; анда суу сактагычтар ж-а ири ГЭСтер курулган; АКШда гидроэнергетиканын 50%и Колумбия дарыясындагы ГЭСтерден өндүрүлөт. Ири ГЭСтери: Чиф-Жозеф, Гранд-Кули, Те-Далс, Мак-Нэри ж. б. 749 <i>км</i> аралыкка чейин кеме каттайт; де&shy;ңиз кемелери Портленд, биржалар Ричленд ш-на чейин жетет. Боюнан Уэнатчи, Ричленд, Ванку&shy;вер, Астория шаарлары (АКШ) орун алган. Колумбия ж-а анын жээктери аңчылыкта, балык уулоодо, суу спорту м-н машыгууда кеңири пайдаланылат.
[[Категория:4-том, 353-402 бб]]