КОКУС ЧОҢДУК барагынын баштапкы кодун көрүү

<b type='title'>КОКУС ЧОҢДУК</b> – <i>ыктымалдык теориясында&shy;гы</i> негизги түшүнүктөрдүн бири; ыктымалдыгы сыноонун кокусунан чыккан натыйжасына жараша ар кандай мааниге ээ чоңдук. Мис.,
чүкөнүн алчы түшүүсүндөгү упай саны – ар бири
1/6 ыктымалдыктагы К. ч-тун мааниси 1, 2, 3,
4, 5, 6. Ал үзгүлтүктүү ж-а үзгүлтүксүз болуп айырмаланат. Үзгүлтүктүү К. ч-тун маанилери белгилүү бир ыктымалдык м-н кабылданат.<br>
Үзгүлтүксүз К. ч. өз ыктымалдык тыгыздыгы
м-н мүнөздөлөт. Эгер К. ч. ар кандай маанинин
чектүү же чексиз <i>удаалаштыгына</i> ээ болсо, анда анын ыктымалдык бөлүштүрүлүүсү (бөлүштүрүү закону) чектүү ж-а чексиз болуп, дискреттүү К. ч. деп аталат. К. ч-тун ыктымалдык бөлүштүрүү&shy;сүнүн жалпы касиеттери сандык мүнөздөмө м-н берилет, б. а. <i>математикалык күтүү</i> ж-а анын дисперсиясы м-н мүнөздөлөт. К. ч. түшүнүгүн ж-а анын матем. күтүүсүн орус математиги П. Л. Чебышев (1867) биринчи баалаган. Ки&shy;йин бул теорияны А. Н. <i>Колмогоров</i> (1933)
өнүктүргөн ж-а жалпылаган. К. ч. матем. ана&shy;лизде, <i>сандар теориясында</i> ж. б. тармактарда кеңири пайдаланылат.


Ад.: <i>Чебышев П. Л.</i> О средних величинах//Полн. собр. соч. Т. 2. М.; Л., 1947; <i>Колмогоров А. Н.</i> Основные понятия в теории вероятностей. М., 1974.
[[Категория:4-том, 353-402 бб]]