АТ ЖАБУУ барагынын баштапкы кодун көрүү

'''АТ ЖАБУУ'''‒ көчкөндө, чоӊ аш-тойлордо минилүүчү аттын ээринин алдына тердиктин үстүнөн аттын соорусуна чейин жабылуучу асем буюм. Ал жасалышы <span cat='ж.кыск' oldv='ж-а'>жана</span> пайдаланышы боюнча бир нече түргө айырмаланат: 1) ''абайы'' ‒ жибектен тигилип, кыргактары саймаланып, четтерине чачы тагылып, баркыт же манат <span cat='ж.кыск' oldv='м-н'>менен</span> көбөөлөнүп, ичтелип жасалып, кыз-келиндердин минген атына жабылат; 2) ''дикек'' ‒ өрмөкчүлүктө «терме», «беш кеште», «кажары» ыкмасы <span cat='ж.кыск' oldv='м-н'>менен</span> согулган таардын ич жагына кийиз тигилсе, кээ бир аймактарда саймаланган «шырдак» тердик жабылат; 3) кыз куумай, эӊиш, байге жана башка оюндарга минилчү күлүк атка, жоргого атайын ''үртүк ‒'' «оромо жабуу» даярдалып, байгеге салынып, күйүккөн атты суутканда, ага суук тийбесин үчүн колдонулган. Ал жогоруда аталган таарлардын түрлөрүнөн же кымбат баалуу кездемеден кооздолуп, ичи жука кийиз <span cat='ж.кыск' oldv='м-н'>менен</span> ичтелип, четтерине оюм түшүрүлөт. Анын кулакчыны, көзүлдүрүгү, куйруктугу, ат буттугу болот да, аттын мойнун, көкүрөгүн ороп, капталы <span cat='ж.кыск' oldv='ж-а'>жана</span> соорусун жаап турат. Учурда асемделип жасалган ат жабуу салттуу майрамдарда пайдаланылат.<br>

                                                                                                                                                             ''Ө. Осмонов.''
[[Категория:1-Том]]